មានមនុស្សយ៉ាងតិចណាស់៣១នាក់ បានបាត់​បង់ជីវិត និងពលរដ្ឋរាប់សិប​ពាន់នាក់ទៀត បាន​បាត់បង់ផ្ទះ​សំបែង ដោយសារភ្លៀងធ្លាក់​ខ្លាំង នៅ​​ប៉ែកខាងជើង និងប៉ែកខាងកើត ប្រទេស​​​ឥណ្ឌា នេះបើតាម​សារព័ត៌​មាន ក្នុង​ស្រុក​ឥណ្ឌា​ឲ្យដឹង នៅថ្ងៃទី២៩ មិថុនា ២០១១​នេះ។

ទឹកភ្លៀងមូសុងនេះ មានផ្តាច់ជីវិតពលរដ្ឋនៅប៉ែក​ខាងជើង ប្រទេសឥណ្ឌាចំនួន១៤នាក់ ហើយចំណែក​នៅប៉ែកខាងកើតប្រទេសវិញ​ មានមនុស្សប្រមាណ​១៧នាក់ បានបាត់បង់ជីវិត ព្រមទាំងប៉ះពាល់ ដល់ពលរដ្ឋប្រមាណ៩០០០០០នាក់ផងដែរ។

ទឹកភ្លៀងបង្កជាទឹកជំនន់នេះ បានបណ្តាលឲ្យផ្ទះពលរដ្ឋប្រមាណ២៥៧៥០ខ្នងរងការខូចខាត ព្រមទាំងផលដំណាំជា​ច្រើនហិកតា និងកសិកដ្ឋានចិញ្ចឹមសត្វជាច្រើនកន្លែងផងដែរ៕

គ្មានមនុស្សណាម្នាក់បានបាត់បង់ជីវិតទេ តែ​មាន​​​មនុស្ស យ៉ាងតិចណាស់៧៩នាក់ បានរង​របួស ដោយសាររថភ្លើង ចំនួន​ខ្សែបានបើក​បុកគ្នា នៅ​កោះ​​ការិបប៊ីន ប៉ែកខាងកើត ខេត្ត​ហ្គាន​​តាណា​មូ ប្រទេស​គុយបា នេះបើតាម​ព័ត៌មានអន្តរជាតិ​ ពីគុយបាឲ្យដឹងនៅថ្ងៃទី២៩មិថុនា​​ ២០១១នេះ។

បើតាមអាជ្ញាធរនៅកន្លែងកើត បានសន្និដ្ឋាន​ជាបឋមថា ឧបទ្ទហេតុនេះ បង្កឡើង ដោយសារ​រថភ្លើងធុនតូចមួយខ្សែដែលហ្រំា្វង​លែងដំណើរ​ការ ហើយជ្រុលទៅបុករថភ្លើងមួយទៀត ដែល​កំពុងបើកបរកាត់ផ្លូវដែកគ្នា។

នៅប្រទេគុយបា​ការដឹកជញ្ជូនតាមផ្លូវរថភ្លើង ​​ជារឿងសំខាន់បំផុត​សម្រាប់ ដឹកផលិតផលស្ករស និងអ្នកដំណើរក្នុង​ប្រទេស ជាពិសេសក្នុងរដូវក្តៅ៕