​ ​សៀមរាប​៖​ លើ​ទឹកដី​សៀមរាប​អង្គរ​​តំបន់​ទេសចរណ៍​ ដ៏​ល្បាញ​ល្បី​របស់​កម្ពុជា​ នៅ​ព្រឹក​ថ្ងៃ​ទី​៤​ ខែកុម្ភៈ​ ឆ្នាំ​២០១៥​ បាន​នឹង​កំពុង​ចាប់ផ្តើម​រៀបចំ​សន្និសីទ​ពិភពលោក​​ជា​លើក​ទី​១​ ស្តី​ពី​ទេសចរណ៍​ និង​វប្បធម៌​ ក្រោម​ប្រធានបទ​ «​ការ​បង្កើត​ភាព​ជា​ដៃគូ​ថ្មី​»​ ដែល​មាន​គណៈ​ប្រតិ​ភូ​​មក​​ពី​ប្រទេស​៩៩​ ក្នុង​ពិភពលោក​បាន​ចូលរួម​។​

​ ​ក្នុង​សន្និសីទ​លក្ខណៈ​អន្តរជាតិ​នេះ​ ត្រូវ​បាន​ប្រកាស​បើក​ជា​ផ្លូវការ​ ដោយ​សម្តេច​តេ​ជោ​ ហ៊ុន​ សែន​ នាយក​រដ្ឋមន្ត្រី​ នៃ​ព្រះរាជាណាចក្រ​កម្ពុជា​។​ សន្និ​សីទ​​នេះ​ក៏​មានការ​អញ្ជើញ​ចូលរួម​ ពី​គណៈប្រតិភូ​មក​ពី​បណ្តា​ប្រទេស​នៅ​លើ​ពិភពលោក​ជាង​​១០០០​នាក់​។​

​ ​ព្រឹត្តិការណ៍​សន្និសីទ​ស្តី​ពី​ទេសចរណ៍​ និង​វប្បធម៌​ដ៏​ធំ​ និង​ជា​លើក​ដំបូង​នេះ​ ធ្វើ​ឡើង​ពី​ថ្ងៃ​ទី​៤-៦​ ខែកុម្ភៈ​ ឆ្នាំ​២០​​១៥​ នៅ​សណ្ឋាគារ​ Le​ Meridien​ Angkor​ ខេត្តសៀមរាប​។​

​ ​លោក​ ថោ​ង​ ខុន​ រដ្ឋមន្ត្រី​ក្រសួងទេសចរណ៍​បាន​មាន​ប្រសាសន៍​នៅ​ក្នុង​សន្និសីទ​នោះ​ថា​ សន្និសីទ​ពិភពលោក​ស្តី​ពី​ “​ទេសចរណ៍​ និង​វប្បធម៌​”​ ឆ្នាំ​២០១៥​នេះ​ គឺជា​សន្និសីទ​ពិភពលោក​លើក​ទី​១​ និង​ដំបូង​បង្អស់​​ក្រោម​កិច្ចសហការ​រួម​គ្នា​រវាង​អង្គការ​ទេសចរណ៍​ពិភពលោក​ (UNWTO)​ និង​អង្គការ​ UNESCO​ និង​រាជរដ្ឋាភិបាល​កម្ពុជា​ដែល​មាន​ក្រសួងទេសចរណ៍​ និង​ក្រសួង​វប្បធម៌​ និង​ វិចិត្រសិល្បៈ​៕​

អត្ថ​បទ​ដោយ​៖ អ្នក​ប្រម៉ាញ់​ទី​ក្រុង​


បញ្ចេញមតិរបស់លោកអ្នកដើម្បីកែលម្អ និងចែករំលែកចំណេះដឹងដល់បណ្តាញសង្គមខ្មែរយើង ។