នាព្រឹកថ្ងៃទី២៣ ខែតុលា ឆ្នាំ២០១៥ ឯកឧត្តម ហុង ឡុង ប្រធានខុទ្ទកាល័យក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានអញ្ជើញជាអធិបតីក្នុងពិធីបើកបវេសនកាលនៅសាលាអនុវិទ្យាល័យ និងបឋមសិក្សាស្វាយតឿ ខេត្តស្វាយរៀង រួមជាមួយសមាជិក សមាជិការ សហភាពសហព័ន្ធយុវជនកម្ពុជា វិស័យទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច សមាជិកក្រុមប្រឹក្សាក្រុងស្វាយរៀង លោក លោកស្រី មន្ត្រីការិយាល័យអប់រំក្រុងស្វាយរៀង ក្រុមប្រឹក្សាសង្កាត់ស្វាយតឿ និងតំណាងក្រុមហ៊ុនអ៊ីនធឺណិត ឌីជី សរុបចំនួន ៣៤០នាក់។

ក្នុងកម្មវិធីនោះសិស្សានុសិស្សដែលចូលរួមមានចំនួន ២៤១នាក់ ក្នុងម្នាក់ទទួលបាន សៀវភៅ​១០ក្បាល ប៉ិច​០២ដើម ខ្មៅដៃ​០១ដើម បន្ទាត់​០១ដើម និងថវិកា ៥,០០០រៀល។ រីឯលោកគ្រូ អ្នកគ្រូ ចំនួន​២០នាក់ ក្នុងម្នាក់ៗទទួលបានថវិកា ៣០,០០០រៀល និងអាណាព្យាបាលសិស្សានុសិស្សិ ១៩​នាក់ ម្នាក់ៗទទួលបានថវិកា​១០,០០០រៀល។ ក្នុងចំណោមសិស្សសរុបទំាងអស់ ឌីជី ក៏បានរួមចំនែកជួយដល់សិស្សចំនួន២០​នាក់ស្មើនឹង២០កញ្ចប់ផងដែរ។

ក្នុងឱកាស​នោះ ឯកឧត្តមបានលើកឡើងផងដែរថា វិស័យអប់រំគឺជាកត្តាដ៏សំខាន់មួយសម្រាប់មនុស្សគ្រប់រូប ហើយយុវជនគ្រប់រូបក៏មានសិទ្ធទទួលបានការអប់រំស្មើៗគ្នា​ផង​ដែរ។ ឯកឧត្តម​ក៏បានសំណូមពរឲ្យមាតាបីតាសិស្សទាំងអស់ត្រូវនាំកូនទៅចុះឈ្មោះចូលរៀនឲ្យបានគ្រប់ៗគ្នា៕


បញ្ចេញមតិរបស់លោកអ្នកដើម្បីកែលម្អ និងចែករំលែកចំណេះដឹងដល់បណ្តាញសង្គមខ្មែរយើង ។