ក្រុងតូក្យូៈ ក្នុង​នាម​ជា​បុរស​ចាប់​អាជីព​លើ​វិថី​សិល្បៈ​កាមតម្រេក​ក្នុង​ប្រទេស​សម្បូរ​​​ភាពយន្ដ​ក្ដៅសាច់ តារា​សិច​ជប៉ុន​ លោក ស៊ីមីគិន ជា​តួឯក​ដ៏​​មាន​ថាមពល ដូច​ក្របី​ឡើង​ក​។តួកុន​សិច វ័យ​ ៣៥ ​ឆ្នាំ​រូប​នេះ ត្រូវ​បាន​ផលិតករ​ម្នាក់​ចាត់ទុក​ជា «​គ្រីស្ទីណូ រ៉ូណល់ដូ សិច​» និង​ជា​តារា​ដ៏ខែងរ៉ែង​ទាំង​ផ្នែក​កាយសម្បទា និង​ផ្នែក​​តម្រេក​តណ្ហា​​ប្រកប​ដោយ​ទឹកមុខ​រួសរាយ ដោយ​លោក​ប្រាប់ AFP ថា៖ «វា​ជា​ការងារ​មួយ​លំបាក​ តែ​គ្រប់​គ្នា​ត្រូវការ​វា»។
150414_22c
លោក ស៊ីមីគិន ដែល​មាន​ឈ្មោះ​ពិត​ថា គិន ស៊ីមីហ៊្សូ បាន​ភ្លក្ស​រសជាតិ​ក្លែប​ក្លិន​ខ្លួន​តារា​ស្រី​ស្អាតៗ​ជាង​ ៨ ​ពាន់​នាក់ ក្នុង​ចំណោម​ភាពយន្ត ៧៥០០ រឿង​​ ហើយ​ថ្មីៗ​នេះ លោក​​បាន​ត្អូញត្អែរ​ថា នៅក្នុង​វិស័យ​ភាពយន្ត​សិច​ជប៉ុន​នេះ​ពិបាក​​រក​តួប្រុស​ជាង​ការ​ពិបាក​រក​សត្វ​ខ្លារខិន​ក្នុង​ព្រៃ​ទៅ​ទៀត​។

លោក​ប្រាប់​ក្នុង​បទសម្ភាស​​ថា៖ «យើង​កំពុង​ខ្វះ​តួប្រុស​។ ចំណោម​តួសិច​ស្រី ១ ម៉ឺន​នាក់ មាន​តួប្រុស​តែ ៧០ នាក់​ទេ​»។

បញ្ហា​ប្រឈម​របស់ ស៊ីមីគិន ជា​ការ​រអ៊ូរទាំ​របស់​អ្នក​គាំទ្រ​​រាប់​ពាន់​នាក់​ដែល​ធ្វើឲ្យ​ប៉ះពាល់​ដល់​ចំណូល ២០ ពាន់​លាន​ដុល្លារ​ពី​ឧស្សាហកម្ម​ភាពយន្ដ​សិច​​ ដោយសារ​អ្នកគាំទ្រ​ធុញទ្រាន់​នឹង​វត្តមាន​តួប្រុស​មុខ​ដដែល​រាប់​ពាន់​ដង​នោះ។លោក​ថា៖ «វា​ធ្វើឲ្យ​អ្នក​មើល​មាន​អារម្មណ៍​ធុញទ្រាន់​ពេល​​ឃើញ​មុខ​តួប្រុស​ដដែលៗ។ នេះ​ជា​បញ្ហា​បារម្ភ​ធំ​ណាស់»។

តារា​សិច​កម្លាំង​មាំ​រូប​នេះ​ទទូច​ថា ខ្លួន​នៅតែ​​មាន​កម្លាំង​គ្រប់គ្រាន់​សម្រាប់​បន្ត​អាជីព​ថតកុន​សិច​នេះ​ដដែល បើ​ទោះបី​ជា​ត្រូវ​ខិតខំ​សម្ដែង​ទាំង​ត្រដាបត្រដួស​រហូត​ដល់​ពីរ ឬ​បី​រឿង​ក្នុង​មួយ​ថ្ងៃ​​ក៏ដោយ​។

150414_22d

លោក​អះអាង​​ថា៖ «​ធម្មតា មួយ​ថ្ងៃ ខ្ញុំ​បាន​ឡើង​គ្រែ​ជាមួយ​តារាស្រី​ពីរ ឬ​បី​នាក់។ ដូច្នេះ ខ្ញុំ​រួមភេទ​ប្រហែល​ជា​ ២ ​ម៉ោង​ជា​រៀងរាល់​ថ្ងៃ។ វា​ការងារ​ក្នុង​ក្តីសុបិន​របស់​ខ្ញុំ។ ​ខ្ញុំ​ក៏​បាន​ប្រកបរបរ​នេះ ១៧ ឆ្នាំ​មក​ហើយ មិន​ដែល​ធុញទ្រាន់​វា​ទេ»។

ជា​អ្នក​លេង​សាច់ដុំ និង​ជា​អ្នក​បង្ហាត់​បង្ហាញ​វិធី​រួមភេទ​ម្នាក់ បាន​បង្ហាញ​ពី​ជំនឿចិត្ដ​របស់​ខ្លួន​ថា៖ «វា​ជា​កិច្ចការ​កាក់កប​ជាង​ការងារ​​​​​ក្នុង​ការិយាល័យ​​។ ខ្ញុំ​នឹង​បន្ត​ការងារ​នេះ​រហូត​ដល់​វ័យ​ ១០០ ​ឆ្នាំ»។

ប្រាកដ​ណាស់ លោក​នឹង​សម្រេច​បំណង បើ​ឧស្សាហកម្ម​ភាពយន្ដ​សិច​នេះ​នៅ​បន្ដ​ខ្វះ​តួប្រុស​ទៀត​។

សូម្បីតែ​ផលិតករ​លោក តូជិរ៉ូ ជា​ផលិតករ​​ភាពយន្ត​សិច​វ័យ​ ៥៨ ​ឆ្នាំ បាន​អះអាង​ថា៖ «ខ្ញុំ​ប្រកបរបរ​នេះ​ ២៧ ​ឆ្នាំ ហើយ​លោក​​អ្នក​បាន​ឃើញ​ពី​កង្វះ​តួប្រុស​ហើយ​។ ពួកគេ​មិន​សូវ​​ឃ្លាន​កាមតម្រេក​ទេ​។ ពួកគេ​លែង​ចង់​ស្រណុក​ស្រួល​ហើយ សូម្បីតែ​ឃើញ​សាច់​ស្រស់ ខ្ចីល្វក់ នៅតែ​ធ្វើ​ព្រងើយ។ យ៉ាប់​ណាស់​»៕ postkhmer


បញ្ចេញមតិរបស់លោកអ្នកដើម្បីកែលម្អ និងចែករំលែកចំណេះដឹងដល់បណ្តាញសង្គមខ្មែរយើង ។