ថ្ងៃទី២៩ ខែមិថុនា ឆ្នាំ២០១១ កម្លាំងចម្រុះរបស់ ខេត្ដកំពត រួមមានកម្លាំង​រដ្ឋបាល​ព្រៃឈើកម្លាំង​នគរបាលមូលដ្ឋាន កម្លាំងកងរាជអាវុធហត្ថ ដែលដឹកនាំដោយ ព្រះរាជអាជ្ញារងអម​សាលាដំបូងខេត្ដកំពត លោក សៀង សុខ បានចុះបង្ក្រាប​​កន្លែងស្ដុកឈើខុសច្បាប់ នៅផ្ទះប្រធានទីស្នាក់ការ​ស្រាវជ្រាវ​ចារកិច្ចយោធា អគ្គបញ្ជាការ ប្រចាំខេត្ដកំពត លោក លឹម ឆាយវ៉ារ៉ាត់ ដែលស្ថិតនៅក្នុង​​ភូមិ​​ត្រញំងធំ ឃុំត្រពាំងធំ ស្រុកទឹកឈូ ខេត្តកំពត។

ប្រភពព័ត៌មានពីកម្លាំងចម្រុះ​ដែលបានចូលរួមក្នុងប្រតិបត្ដិការ​បង្ក្រាបកន្លែងស្ដុកឈើ ខុសច្បាប់ខាងលើនេះបានឱ្យដឹងថា ការរឹបអូសឈើគ្រញូង ប្រណីត ចំនួន៣តោនឈើអា ៦ម៉ែត្រគូប។

សម្រាប់ឈើ ទាំងអស់នេះ ត្រូវបានកម្លាំងចម្រុះយក ទៅរក្សាទុកនៅទីស្នាក់ការរដ្ឋបាល​​ព្រៃឈើ ខេត្ដកំពត ដើម្បីចាត់ការបន្ដទៀត។ ដោយឡែកម្ចាស់​កន្លែងស្ដុកឈើខុសច្បាប់នេះ​បានរត់គេចខ្លួនបាត់។


បញ្ចេញមតិរបស់លោកអ្នកដើម្បីកែលម្អ និងចែករំលែកចំណេះដឹងដល់បណ្តាញសង្គមខ្មែរយើង ។