មន្ត្រី​គយ​​ចល័ត​​ប្រចាំ​នៅ​ចំណុច​​ផ្សារ​កណ្តាល​ ក្នុង​ភូមិ​គីឡូ​ម៉ែត្រ​លេខ​៤ ​សង្កាត់​​ប៉ោយ​ប៉ែត ​បាន​ឆែក​ឆេរ​​ចាប់​បាន​​ពី​រថយន្ត​​កាមរី​២​គ្រឿង ​ដែល​ដឹក​​ ប​ង្កប់​​ជា​មួយ​ផ្លែ​ឈើ​​នៅ​ថ្ងៃ​ទី​២៧ មិថុនា។ ត្រី​ខ​គ្មាន​​ស្លាក​សញ្ញា​​ និង​ការវេច​ខ្ចប់​​ឱ្យ​បាន​​ត្រឹម​​ត្រូវ​ខូចគុណ​ភាព​​ចំនួន​៤១​​កេស ស្មើ​នឹង​១.៥៨៤​​កំប៉ុង ព្រម​ទាំង​សណ្តែក​ខៀវ​បំពង​ចំនួន​៣០​គីឡូ​ក្រាម។

លោក​គីវ ​គឹម​ផា មន្ត្រី​​ភ្នាក់ងារ​​គយ និង​​រដ្ឋា​ករ​​ ស្រាវជ្រាវ​ និង​បង្ក្រាប​​អំពើ​​រត់​ពន្ធ​នៃ​​ទីស្នាក់​ការ​គយ និង​រដ្ឋា​ករ​ប៉ោយប៉ែត បន្តថា ​ការ​ចាប់​បាន​​ទំនិញ​​ទាំងនេះ​គឺ​ខណៈ​កម្លាំង​​រ​បស់​លោក​​ពង្រឹង​ការ​ ត្រួត​ពិនិត្យ​​ទំនិញតាម​រថយន្ត​ ។ ទំនិញ​​ទាំងនេះ​មិន​ត្រឹម​តែ​គ្មាន​ស្លាកសញ្ញា ឬ​ការ​វេច​ខ្ចប់​​ឱ្យ​បាន​ត្រឹម​ត្រូវ​​នោះទេ ​ថែម​ទាំងគេ​​វាយ​ដាក់​កាល​បរិច្ឆេទ​​ហួស​កំណត់​​ការ​ប្រើ​ប្រាស់​​តាម​របៀប ​ក្លែង​​បន្លំ​ទៀត​​ផង ដូច​ជា​ត្រី​ខ​​ជាង​១​ពាន់​​កំប៉ុង​នេះ​ជាដើម​ ។

បន្ទាប់​​មក​​សមត្ថ​កិច្ច​បាន​​ឱ្យ​ពួកគេ​​ធ្វើ​កិច្ច​សន្យា​រួច​ឱ្យ​ត្រឡប់ ​​ទៅវិញ​ជា​មួ​យ​រថយន្ត​​​រៀង​ខ្លួន​ៗ។ ឯ​ទំនិញ​ទាំង​អស់​​​នោះ​ ​ក្រោយ​ធ្វើ​កំណត់​ហេតុ​រួច​​ក៏​​ប្រគល់​​ឱ្យ​មន្ត្រី​​កាំកុង​ត្រូល​​ចាត់​ ការ​បន្ត៕


បញ្ចេញមតិរបស់លោកអ្នកដើម្បីកែលម្អ និងចែករំលែកចំណេះដឹងដល់បណ្តាញសង្គមខ្មែរយើង ។