កាលពីថ្ងៃទី០១ ខែកក្កដា ឆ្នាំ២០១១ មន្ដ្រីកាំកុងត្រូលសហការ ជាមួយនគរបាល​សេដ្ឋកិច្ចខេត្ដនិងនាយកដ្ឋាន បានដុតកម្ទេចដំណាប់ ដូង ម៉ាកញីប៊ីញ ខូចគុណភាព​ចំនួន ២០០កាតុង ស្មើ៨ម៉ឺនកញ្ចប់ ទម្ងន់ ៣.២០០គីឡូក្រាម ស្ថិតនៅទីតាំងចាក់សំរាម ភូមិកងវ៉ា សង្កាត់កំពង់ស្វាយ ក្រុងសិរីសោភ័ណ ខេត្ដបន្ទាយមានជ័យ។

មន្រ្តីសម្ថកិច្ចកាំកុងត្រូល បានឱ្យដឹងថា ទំនិញល្មើសខាងលើនេះ ជាកម្មសិទ្ធិរបស់​ឈ្មោះ យូ ម៉ៅ ភេទ ស្រីជាតិខ្មែរ អាយុ៣៥ឆ្នាំ មានទីលំនៅភូមិក្រែក ឃុំក្រែក ស្រុក​ពញាក្រែក ខេត្ដកំពង់ចាម មានមុខរបរជាពាណិជ្ជករ បានលួចនាំចូលពីប្រទេស​វៀតណាម តាមច្រករបៀងខេត្ដកំពង់ចាម យកទៅមកចែកចាយនៅខេត្ដបន្ទាយ​​​​ មានជ័យតាមរថយន្ដ ម៉ាក RHINO ពណ៌ខៀវ ចង្កូតឆ្វេង ពាក់ស្លាកលេខ កំពង់ចាម 3A1613។

​​ការឃាត់ចាប់​ រថយន្តដឹកដំណាបដូងនេះ ធ្វើឡើង ដោយ​​ហេតុថា នៅលើសំបកវេចខ្ចប់ ផលិតផល គ្មានចុះថ្ងៃ​ផលិត និងរយៈពេល ហួសកំណត់ប្រើប្រាស់ ហើយករណីនេះ ត្រូវបានអាជ្ញាធរ កសាងសំណុំ​​​រឿង​​​បញ្ជូនទៅសាលាដំបូង​​ខេត្ដ​ចាត់ចែងតាម​នីតិវិធី​ច្បាប់៕


បញ្ចេញមតិរបស់លោកអ្នកដើម្បីកែលម្អ និងចែករំលែកចំណេះដឹងដល់បណ្តាញសង្គមខ្មែរយើង ។